Agjencitë amerikane të inteligjencës besojnë se Koreja e Veriut ka rritur prodhimin e karburantit për armë bërthamore në vende të fshehta përgjatë muajve të fundit, dhe mund të jetë duke e mbajtur të fshehtë në kohë kur po zhvillon bisedime me Shtetet e Bashkuara, raporton NBC.

Në një raportor të premten, thuhet se sipas vlerësimeve të inteligjencës amerikane, koreanët po veprojnë kundër kërkesës së presidentit Donald Trump, i cili pas samitit historik me Kim Jong-un kishte thënë se nuk ka më kërcënim nga Koreja e Veriut, transmeton portali arbresh.info.

NBC ka cituar pesë zyrtarë anonimë amerikanë që kanë thënë se muajve të fundit Koreja e Veriut ka rritur prodhimin e pasurimit të uraniumit për armët bërthamore, edhe në kohën kur është angazhuar në diplomacinë me SHBA-të.

“Ka dëshmi absolutisht të qarta se ata po përpiqen të mashtrojnë SHBA-të”, citohet të ketë thënë një zyrtar.

Ndërkohë që CIA ka refuzuar të komentojë raportin e NBC./Arbresh.info/